Sawal:Kya hamal wali aurato par suraj aur chaand garhan ke achchhe ya bure asar hote hain,Kya garhan ke waqt aisi aurato ka bahar nikalna mana hai?
Jawab:Suraj aur chaand garhan Allah ta’ala ki qudrat ki nishaaniyo me se ek nishaani hai.Is nishaani se ye zaahir hota hai ki Jo Allah suraj se raushani deta hai aur chaand se chaandani deta hai wahi Allah inki raushani ko khatam kar dene par bhi qaadir hai.
Huzur Sallallaho alaihe wasallam ke zamaane me Aap sallallaho alaihe wasallam ke bete Hazrat Ibrahim radhi Allaho anho ke inteqaal ke baad suraj garhan ho gaya,Us zamaane me logo ka khayaal ye tha ki suraj garhan kisi bade aadmi ke inteqaal ya paidaaish ki wajah se hota hai,Jaisa ki abhi Huzur Sallallaho alaihe wasallam ke bete ke inteqaal ki wajah se hua.Aap Sallallaho alaihe wasallam ne is aqeede ka radd farmaya,Jaisa ki Sahih Bukhari me hai:
Hazrat Abu Burda,Hazrat Abu Musa radhi Allaho anho se riwayat karte hain ki: Suraj garhan hua to Huzur Sallallaho alaihe wasallam is tarah ghabraae hue khade hue jaise qayamat ho gayi,Aap Sallallaho alaihe wasallam Masjid me aaye aur lambe qayam,ruku aur sajde ke saath namaz padhi ki is se pahle Aap ko aisa karte hue nahi dekha tha.Aur Aap Sallallaho alaihe wasallam ne farmaya ki: Ye nishaaniya hain jo Allah Ta’ala bhejta hai,Ye kisi ki maut ya zindagi ki wajah se nahi hota,Balki Allah Ta’ala iske zariye apne bando ko daraata hai,Jab tum isko dekho to Allah ke zikr,dua aur istigfaar ki taraf dauro. [Sahih Bukhari,Hadees No.999]
Is liye suraj aur chaand garhan ke waqt hame Huzur Sallallaho alaihe wasallam ki taalim ke mutaabiq namaz,dua aur istigfaar me mashgool hona chaahiye.
Baaqi Suraj garhan ya chaand garhan ki wajah se aam logo ya hamal wali aurato par asar par-ne ke baare me jo baate logo me mash-hoor hai,Shari’at me unki koi asal nahi hai.Is liye suraj ya chaand garhan ke waqt aisi baato ki taraf dhiyaan dene ke bajaae Namaz,Dua aur istigfaar ki taraf tawajjuh deni chaahiye.
Wallahu A’lamu bis-sawab.
Share........
Khaana Saamne Rakh Kar Fatiha Padhna Kaisa Hai? Ghar Me Buzurgo Ki Tasweer Rakhna Kaisa Hai? Peer Ke Qadam Par Sar Rakhna Kaisa Hai? Kya Har Milaad Ki Mehfil Me Huzur Aate Hain? Shab-e-Baraat Me Fatiha,Halwe Hi Par Kyun? Gair Sahaabi Ke Liye "Radhi Allaho Anho" Likhna Kaisa Hai? Kya Parindo Ko Pinjare Me Qaid Karna Jaaiz Hai?