Hadees:Hazrat-e-Abu Hurairah Radhi Allaho Anho bayan karte hain ki: Huzur Sallallaho alaihe wasallam ne farmaya ki:Har raat ko jab aakheri hissa baaqi rah jaata hai to Allah Ta’ala aasman-e-dunya par apni khaas tajalli farmata hai Aur farmata hai ki:Hai koi dua karne wala ki main uski dua ko qabool kar lun.Hai ko maangne wala ki main use ata kar dun.Hai koi apne gunaho ki bakhshish chaahne wala ki main us ke gunaho ko bakhsh dun.(Sahi Bukhari,Kitabut Tahajjud,Hadees No.1152)
Hadees:Huzur Sallallaho alaihe wasallam ne farmaya ki:Jo shakhs raat ko jaage aur apni biwi ko jagaae phir dono do rik’at namaz padhe to un dono ka naam Allah Ta’ala ko ziyadah se ziyadah yaad karne walo me likh diya jaata hai.(Al-Mustadrak,Hadees No.123)
Mas’ala:Tahajjud ki namaz me kam se kam do rik’at hai aur ziyadah se ziyadah Huzur Sallallaho alaihe wasallam se 8 rik’at tak saabit hai. Jaisa ki Hazrat-e-Aaisha radhi allaho anha se Huzur Sallallaho alaihe wasallam ki raat ki namazo ke baare me puchha gaya to unhone kaha ki:Ramzan ho ya dusre mahine Huzur Sallallaho alaihe wasallam 11 rik’at se ziyadah nahi padhte the.Yani 8 rik’at Tahajjud aur 3 rik’at vitr.(Sahi Bukhari,Kitabut tahajjud,Hadis No.1147)
Mas’ala:Is ka waqt Isha ke baad so kar uthne ke baad se le kar Fajar tak hai.
Mas’ala:Ye namaz do do rik’at kar ke bhi padh sakte hain aur 4/4 kar ke bhi.Aur iski rik’ato me khaas surah Ekhlaas hi ka padhna zaruri nahi hai koi bhi Surah padh sakte hain.
Share.........

Related Topics

Namaz ki ahmiyat wa fazilat Namaz padhne ka tariqa Namaz ke sharayat wa faraaiz Namaz ke wajibaat aur sunnaten Namaz ke makruhaat aur mufsidaat Sajda sahu ke masaail Qiraat me galti ke masaail Musaafir ki namaz ka bayan Bimar shakhs ki namaz ka bayan Namaz-e-Taraweeh ke masaail Namaz Tahiyatul wazu aur Masjid Namaz-e-Ishraaq aur Chaasht Salatut Tasbeeh Namaz-e-Hajat Namaz-e-Istikhaara Eid ki namaz Suraj gahan aur chand gahan ki namaz Namaz-e-Janaza ke masaail