حضرت ابو ہریرہ رضی اللہ عنہ سے روایت ہے ،حضور اکرم صلی اللہ علیہ وسلم نے ارشاد فرمایا: جس نے رات کے وقت سورہ حٰم دخان کی تلاوت کیا تو وہ اس حال میں صبح کرے گا کہ اس کے لئے ۷۰/ہزار فرشتے استغفار کر رہے ہوں گے۔[ترمذی،کتاب فضائل القرآن،باب ماجاء فی فضل حم الدخان، حدیث:۳۱۳۱]
حضرت ابو ہریرہ رضی اللہ عنہ سے روایت ہے ،حضور اکرم صلی اللہ علیہ وسلم نے ارشاد فرمایا: جس نے جمعہ کی رات میں سورہ حم دخان پڑھا اُسے بخش دیا جائے گا۔[ترمذی،کتاب فضائل القرآن،باب ماجاء فی فضل حم الدخان، حدیث:۳۱۳۲]
حضرت ابو امامہ رضی اللہ عنہ سے روایت ہے،حضور سید المرسلین صلی اللہ علیہ وسلم نے فرمایا : جس نے جمعہ کی رات یا جمعہ کے دن میں سورہ حم دخان تلاوت کیا تو اللہ تعالیٰ اس کے لئے جنت میں گھر بنائے گا۔[ معجم الکبیر،صدی بن العجلان،ابوامامہ الباہلی۔۔۔الخ،فضال بن جبیر عن ابی امامۃ،حدیث:۸۰۲۶]