حضرت انس بن مالک رضی اللہ عنہ سے روایت ہے،حضور سید المر سلین صلی اللہ علیہ وسلم نے فرمایا : ہر چیز کے لئے قلب [دل] ہے اور قرآن کا قلب سورہ یٰس ہے۔جس نے سورہ یٰس پڑھی تو اللہ تعالیٰ اس کے لئے دس بار قرآن پڑھنے کا ثواب لکھتا ہے۔[ترمذی،کتاب فضائل القرآن،باب ماجاء فی فضل یٰس،حدیث:۳۱۲۹]
حضر ت عطاء بن ابی رباح رضی اللہ عنہ فر ماتے ہیں:مجھ تک یہ بات پہونچی کہ اللہ کے رسول صلی اللہ علیہ وسلم نے فرمایا:جو دن کے شروع میں سورہ یٰس پڑھ لے تو اس کی تمام ضرورتیں پوری ہوں گی۔[سنن دارمی،کتاب فضائل القرآن،باب فی فضل یٰس،حدیث:۳۴۱۸]
حضرت انس بن مالک رضی اللہ عنہ سے روایت ہے ،حضور صلی اللہ علیہ وسلم نے فرمایا: جو شخص ہر رات سورہ یٰس پڑھنے پر ہمیشگی اختیار کرے،پھر وہ مر جائے تو شہادت کی موت مرے گا۔[معجم الاوسط،باب المیم،من اسمہ محمد،حدیث:۷۰۱۸]